Insomniac Diary.

ഇതൊരു ലേഖനമല്ല. കവിതയോ കഥയോ അല്ല .
മനസ്സിൽ നിന്ന് അപ്പാടെ പകർത്തുന്നു. ഭ്രാന്തിന്റെ അങ്ങേയറ്റത്ത് നിന്ന് വേർതിരിച്ചെടുക്കാൻ സാദ്ധ്യമല്ലാത്ത ഒന്ന്.

തകർന്ന് പോയെന്നും, നഷ്ടങ്ങളുടെ നീണ്ട നിര വീണ്ടും വീണ്ടും കൂടുന്നുവെന്നും ഒരിക്കല്ലെങ്കിലും തോന്നാത്തവരല്ല നമ്മൾ…
ചില നേരങ്ങളിൽ ഇന്നും ഞാൻ അമ്മയെ കെട്ടി പിടിച്ച് കരയാറുള്ള ആ പഴയ 2 വയസ്സുകരിയായി മാറാറുണ്ട്. അത്രമേൽ വീർപ്പ് മുട്ടുമ്പോൾ ഇന്നു മാ മടിയിൽ കിടന്ന് പൊട്ടി കരയാറുണ്ട് !
തളർന്ന് പോവുമ്പോൾ, നെഞ്ചിൽ നിനവ് പടർന്ന് കയറുമ്പോൾ – വീണു പോയേക്കാം എന്ന് തോന്നിയിട്ടുണ്ട്. നേട്ടങ്ങളേക്കാൾ നഷ്ടങ്ങളെ ഓർക്കുക എന്നത് മനുഷ്യസഹജമാണല്ലോ…

വൈകുവോളം ഉറക്കം കളഞ്ഞിരിക്കുന്നതെന്തിനാണെന്ന് പലരും ചോദിച്ചിട്ടുണ്ട്…. ഇരുട്ടിനെ അത്രമാത്രം ഇഷ്ടമായത് കൊണ്ടാണെന്ന് മാത്രമേ ഉത്തരം നൽകാറുളളൂ… പക്ഷെ അതിനുമപ്പുറം ഞാൻ പറയാതെ പറഞ്ഞുവച്ച വയുണ്ട്. എന്നുമിരുട്ട് ദു:ഖത്തിന്റെ പ്രതീകമായാണ് ചിത്രീകരിക്കപ്പെട്ടിട്ടുള്ളൂ.പക്ഷെ എനിക്ക് ഇരുട്ടെന്നും ഊർജമായിരുന്നു ,വരികളിലൂടെ പെയ്തിറങ്ങുന്നതും, പരാജിതയുടെ മൂർദ്ധന്യഭാവത്തിൽ വിസ്ഫോടനമുണ്ടാക്കി പുതിയൊരെന്നെ സൃഷ്ടിച്ചതും ഇരുട്ടായിരുന്നു.
ഒരു പാട് പ്രയത്നങ്ങൾ, രാത്രി കാലവായനകൾ എല്ലാം ഇരുട്ടിനെ കൂട്ട് പിടിച്ചായിരുന്നു…
ചിറകുകളിൽ നിന്ന് തൂവലുകൾ കൊഴിഞ്ഞ് പോകുന്നുവെന്നും, കൈകളിൽ നിന്ന് ശക്തി ചോർന്ന് പോകുന്നുവെന്നും, കാലുകൾ ഇഴയുകയാണെന്നും പലവട്ടം തോന്നിയിട്ടുണ്ട്. പക്ഷെ പിടിച്ച് നിന്നിട്ടുമുണ്ട്. പ്രതീക്ഷയുടെ അവസാന കണികയിൽ അമിത വിശ്വാസമറപ്പിച്ചെങ്കിലും.. പിടിച്ച് നിന്നിട്ടുണ്ട്. വായിച്ച മാത്രയിൽ മനസ്സിൽ പതിഞ്ഞ ചില വരികൾ സഹായത്തിനെത്താറുണ്ട് ചിലപ്പോൾ – പൗലോ കൊയ് ലോ കുറിച്ചിട്ട പോലെ തീവ്രമായി ആഗ്രഹിച്ചാൽ പ്രപഞ്ചം മുഴുവൻ അത് നേടാനുള്ള വഴിയൊരുക്കും.
“ഹൃദയമൂറ്റി ഉള്ളൊക്കെ കലങ്ങിയെങ്കിലും ,പാതി ജീവൻ അകന്ന് പോയെങ്കിലും പേര് പുഴയെന്നല്ലേ, ഒഴുകാം.. ” ആഴത്തിൽ തൊട്ടുണർത്തുന്ന വരികളിലൂടെ പിടിച്ച് നിൽക്കാറുണ്ട് വിധിയുടെ കൽപടുകളോട്.
കഠിന പ്രയത്നങ്ങൾ വിഫല ശ്രമങ്ങൾ ആവുമ്പോൾ രക്തം പോലും നോവെടുത്താർക്കാറുണ്ട് ഊർജമേകുന്ന ഒരു ചെറു കണികയെങ്കിലും എവിടെയെങ്കിലും അവശേഷിച്ചിരിക്കും….
ഞാനെന്നും ഇരുട്ടിലേക്കോടി ചെല്ലും പോല…. നമ്മെ വീണ്ടും നമ്മളാക്കുന്ന ചിലതെങ്കിലും അവശേഷിച്ചിരിക്കും…💙

-Aswini Sreejith

#Random_thoughts #Sleeplessness #Insomniac_Thoughts #Hardships #Failures #PauloCoelho #Phoenix #RisingUp #Randomness #Darkness #DarkLove #Melancholy #MoodSwing

15 thoughts on “Insomniac Diary.”

  1. ഞാൻ നേരെ തിരിച്ചാണ്…… ഒരുപാട് ആത്മവിശ്വാസം കിട്ടുന്ന വാക്കുകളും പുസ്തകങ്ങളും ഒക്കെ ഉണ്ടേലും എന്റെ വിഷമമാകുന്ന കൂപത്തിലെ മണ്ടൂകമായി ഇരിക്കാൻ ആണ് ഇഷ്ടപ്പെടുക….. ഇരുളിനോട് എനിക്ക് പ്രണയമാണ്…..

    Liked by 1 person

  2. Namal natagala kurachum, nashtangala kurachum bothavanmarayirikanam. Natangal Namala geevithathil munote pokan shakithi nalkunnu. Nashtangal geevithathil chila thiricharivukal nalkunnu

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s