അമ്മ ❣

“പണ്ട് പണ്ട്.. ഒരിടത്ത്…ഒരിടത്ത്… ഒരു… വലിയ കാടുണ്ടായിരുന്നു ” “ഇത് തന്നെയല്ലേ അമ്മ ദിവസോം പറയുന്നേ…. ഇന്ന് പുതിയൊന്ന് പറഞ്ഞ് താ”

“നിനക്കേ വയസ്സ് നാലല്ല, അടുത്ത കൊല്ലം കോളേജിലായി.. ഇപ്പോം കുട്ടിക്കളി മാറീട്ടില്ല….. കഥ കേൾക്കാൻ പറ്റിയ ഒരു പ്രായം … വേഗം കിടന്നുറങ്ങാൻ നോക്ക് ”

“അമ്മേ… ”

“ദേ… ദേ… ചിണുങ്ങുന്ന നോക്ക്യേ ”

അല്ലേലും, അതങ്ങനയാ .. അമ്മയെ കാണുമ്പോ ഉളളിൽ ഉറങ്ങി കിടക്കുന്ന ആ നാല് വയസ്സുകാരി അങ്ങ് ഉണരും. വയസ്സ് കൂടുമ്പോ ഗൗരവ്വവും കൃത്യമത്വവുമല്ലേ കൂടുന്നേ എൽ കെ ജിക്കാരീടെ നിഷ്ക്കളങ്കതയോടെ പെരുമാറാൻ അമ്മയുടെ അടുത്തല്ലേ സാധിക്കൂ.

ഞാൻ പലപ്പോഴും ഇത്തിരി അഹങ്കാരത്തോടെ ചിന്തിച്ചിട്ടുണ്ട് എനിക്ക് മാത്രേ ലോകത്തിൽ ഇത് പോലൊരമ്മയെ കിട്ടിയിട്ടുള്ളൂവെന്ന്! ഞാൻ എഴുതിക്കൂട്ടുന്ന ഭ്രാന്തുകളുടെ ആദ്യ വായനക്കാരിയും ,എന്റെ പ്രസംഗങ്ങളുടെ ആദ്യ ശ്രോതാവും, എല്ലാം അമ്മയാണ്. ഒരിക്കൽ പോലും തന്റെ സ്വപ്നങ്ങളെന്നിൽ തുന്നിചേർക്കാൻ ശ്രമിച്ചതേയില്ല.മറിച്ച് എന്റെ ചിറകുകൾക്ക് വർണ്ണങ്ങൾ നൽകി കൊണ്ടേയിരുന്നു.

പരീക്ഷാ ചൂടുള്ള രാത്രികളിൽ നക്ഷത്രങ്ങളുറങ്ങുവോളം എനിക്ക് കൂട്ടിരിക്കുവാനും ,മുടങ്ങാതെ മൈഗ്രേ നിന്റെ രൂപത്തിലെത്തുന്ന വേദനകളെ ഒരു തലോടലിൽ ഇല്ലാതാക്കുവാനും, നേട്ടങ്ങളുടെ കൊടുമുടി കയറുമ്പോൾ മാറി നിന്ന് കണ്ണീരണിയുവാനും, ആകാശമാണ് പരിധി എന്നവർ അഭിനന്ദിക്കുമ്പോൾ അവൾ ചിറക് വിരിച്ച് പറക്കട്ടെ ആകാശവും അവൾക്ക് താഴേ മതിയെന്ന് പറയുവാനും ഒരാൾക്കേ സാധിക്കൂ…. ഒരാൾക്ക് മാത്രം.

എന്റെ ആശയങ്ങളും അഭിപ്രായങ്ങളും ഒരിക്കലും അരുതെന്ന് പറഞ്ഞ് തടഞ്ഞ് നിർത്തിയിട്ടേയില്ല. ശക്തമായ മനസ്സ് എന്നിലുണ്ടാക്കിയെടുക്കാനും തളർന്ന് പോവാത്ത മനോവീര്യം കാത്ത് സൂക്ഷിക്കാനും മാത്രമാണ് അമ്മശ്രമിച്ചത്. എങ്ങനെ തകരുമമ്മേ ഞാൻ? ഉൾക്കരുത്തിന്റെ കാതാലായി എനിക്ക് മുന്നിൽ അമ്മയുള്ളപ്പോൾ!

നിന്റെ യാത്രകളവസാനിക്കുന്നില്ലെന്നും പരിധികളുടെ ചട്ടക്കൂടുകൾ നിനക്ക് തടസ്സമാവുകയില്ലെന്നും അമ്മ ഓർമ്മിപ്പിച്ച് കൊണ്ടേ യിരുന്നു. എന്നും ചിരിച്ച് കൊണ്ട് മാത്രം കാണുന്ന അമ്മയുടെ മുഖത്തൊരൽപ്പം ആധി പടർന്ന് കാണുന്നത് എന്റെ മൽസരവേദികൾക്ക് പുറകിലാണ്. ഫലങ്ങളെ കുറിച്ചമ്മ ഭയപ്പെട്ടതേയില്ല കഴിവിന്റെ പരമാവധി ചെയ്യണമെന്ന് മാത്രമേ അമ്മക്കുള്ളൂ.

“സനീ… നിനക്ക് ഒരു പെണ്ണേ ഉളളൂവല്ലേ ?” ഇത്തരം സഹാതപം പിടിച്ച ചോദ്യങ്ങൾ മിക്കപ്പോഴും കേട്ടിട്ടുണ്ട്. നിറഞ്ഞ മുഖത്തോടെ “ആ… ഓളാന്നെന്റെ ശക്തി ” യെന്ന് അമ്മ പറയുമ്പോൾ തീർച്ചയായും വിചാരിച്ചിട്ടുണ്ട് “ഇനീം… ഇനീം കുറേ ജന്മം ഈ അമ്മയുടെ മോളായിട്ട് തന്നെ ജനിക്കണം” എന്ന് .

പച്ചയായ പകർത്തലുകൾ മാത്രമാണിത്. അമ്മ എന്നത് നിർവചനാതീതമായി നിൽക്കുന്നത് അത് അനുഭവിച്ചറിയേണ്ട സത്യമായത് കൊണ്ടാണ്.

ഒരു പാട് സ്നേഹത്തോടെ അമ്മക്ക് വേണ്ടി ഇത്ര കൂടി കുറിക്കുന്നു.

” അവളോളം വലുതല്ലെനിക്കൊരകാശവും

അവളോളം ചെറുതാണെനിക്കീ ലോകവും ”

Celebrating woman hood💚

Happy woman’s day!

10 thoughts on “അമ്മ ❣”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s